Любоў да сваёй краіны пачынаецца з любові да малой радзімы-месца, дзе чалавек нарадзіўся і вырас. Навучыўшыся любіць і берагчы свой родны край, ён зможа навучыцца гэтак жа з любоўю і беражлівасцю ставіцца да нашай краіны, яе прыроды, гісторыі, традыцый і звычаяў продкаў. Не страціць сваю самабытнасць, індывідуальнасць, захоўваючы павагу да культуры іншых народаў – вось адна з галоўных задач выхавання юных грамадзян нашай краіны.
Музей «Куранецкі летапіс» быў заснаваны ў ДУА “Куранецкая сярэдняя школа” у 2021 годзе. Экспанаты, якія знаходзяцца ў музеі, збіраліся настаўнікамі і вучнямі не адзін год.
Мэта дзейнасці музея: садзейнічанне фарміраванню нацыянальнай свядомасці навучэнцаў, беражлівым адносінам да помнікаў гісторыі і культуры;
Задачы музея:
фарміраванне цікавасці да новых ведаў па гісторыі роднага краю, практычных навыкаў пошукава-даследчай, фондавай і экскурсійнай работы;
выхаванне ў навучэнцаў любові да Бацькаўшчыны, якая пачынаецца з любові да сваёй малой радзімы, школы, сям’і.
